Të nderuar vizitorë,

Mirë se vini në ueb-faqen e Komisionit Shtetëror për Vendimmarrje në Shkallë të Dytë në Sferën e Mbikëqyrjes Inspektuese dhe Procedurës Kundërvajtëse- KSHIK..

Këtu do të gjeni informacione të dobishme, të cilat do t'ju ndihmojnë të njiheni me punën e Komisionit Shtetëror për Vendimmarrje të Shkallës së Dytë në Sferën e Mbikëqyrjes Inspektuese dhe Procedurës Kundërvajtëse dhe vendosjen e tij në sistemin juridik të Republikës së Maqedonisë së Veriut. Komisioni Shtetëror është organ i pavarur shtetëror me cilësi të personit juridik dhe përbëhet nga kryetari, zëvendëskryetari dhe pesë anëtarë, të cilët emërohen nga Kuvendi i Republikës së Maqedonisë së Veriut, me mandat 5 vjeçar. Për punën e Komisionit Shtetëror dhe për punën e tyre, kryetari dhe anëtarët i përgjigjen Kuvendit të Republikës së Maqedonisë së Veriut. Qëllimi i Komisionit Shtetëror është krijimi i një sistemi efikas të mbrojtjes ligjore, nëpërmjet zgjidhjes në kohë dhe ligjore të ankesave.

Komisioni Shtetëror për Vendimmarrje në Shkallën e Dytë në Sferën e Mbikëqyrjes Inspektuese dhe Procedurës Kundërvajtëse është përgjegjës për zgjidhjen e ankesave kundër vendimeve të shkallës së parë në procedurën inspektuese. Nga 01.01.2021 në pajtim me dispozitat e Ligjit për kundërvajtje (“Gazeta zyrtare e Republikës së Maqedonisë së Veriut” nr. 96/19).

Komisioni Shtetëror nuk është kompetent për të vepruar në ankesat kundër vendimeve për kundërvajtje të marra nga organi për kundërvajtje, kur me ligj është përcaktuar të vendosë në procedurë për kundërvajtje. Në procedurën për zgjidhjen e ankesave, Komisioni Shtetëror zbaton dispozitat e Ligjit për Procedurën e Përgjithshme Administrative dhe Ligjit për Mbikëqyrjen Inspektuese, përveç nëse me ligj rregullohet ndryshe.